በቁመት ረጅሙን ኢትዮጵያዊ አስራት ፋና ገብሬን ተዋወቁት |


በቁመት ረጅሙን ኢትዮጵያዊ አስራት ፋና ገብሬን ተዋወቁት | ከሙሉነህ ዮሐንስ ጋር ያደረገው ቆይታ

ኢትዮጵያ ለዓለም ዓቀፍ አበዳሪ ሀገራት እና ተቋማት ሥጋት መሆኗ ተገለጸ

 

(BBN NEWS) ኢትዮጵያ ለዓለም ዓቀፍ አበዳሪ ተቋማት እና ሀገራት ሥጋት እየሆነች መምጣቷን አንድ ከፍተኛ የመንግስት ባለስልጣን ገለጹ፡፡ የገንዘብና ኢኮኖሚ ትብብር ሚኒስቴር ሚኒስትር የሆኑት ዶ/ር አብርሃም ተከስተ እንደገለጹት ከሆነ፣ ሀገሪቱ ያለባትን የውጭ ሀገራት ብድር መመለስ እያቃታት በመሆኑ፣ በአበዳሪ ተቋማት እና ሀገራት ዘንድ እንደ ስጋት እየታየች ትገኛለች፡፡ ይህም ሀገሪቱ በዓለም ዓቀፍ አበዳሪ ተቋማት እና ሀገራት ዘንድ ‹‹ታማኝ ተበዳሪ›› እንዳትሆን እንዳደረጋት ሚኒሰትሩ ገልጸዋል፡፡

‹‹የኤክስፖርት ገቢው አነስተኛ ስለሆነ፣ አገሪቱ የምትወስዳቸውን ብድሮች መልሶ ለመክፈል የማያስችላት በመሆኑ በአበዳሪ አገራትና በዓለም የገንዘብ ተቋማት ግምገማ አገሪቱ ያለባትን የሥጋት ደረጃ ከፍ እንዲል አድርጓል፡፡›› ያሉት የገንዘብና ኢኮኖሚ ትብብር ሚኒስቴር ሚኒስትር ዶ/ር አብርሃም ተከስተ፣ አክለውም ‹‹የኤክስፖርት ገቢው አፈፃፀም ተሻሽሎ አገሪቱ በአበዳሪ አገራት ያለባት የሥጋት መጠን እስከሚቀንስ ድረስ የኮሜርሻል ብድር መውሰድ ለተወሰነ ጊዜ መገደብ ይኖርበታል፡፡›› ሲሉ አሳስበዋል፡፡

መንግስት ከተለያዩ ዓለም ዓቀፍ ተቋማት እና ሀገራት በውጭ ምንዛሪ መልክ የወሰዳቸውን በቢሊዬን የሚቆጠሩ ብድሮች፣ በወቅቱ መክፈል አለመቻሉ የሀገሪቱ ኢኮኖሚ ከጊዜ ወደ ጊዜ እየወደቀ እንደመጣ እንደሚያመላክት የምጣኔ ሃብት ባለሙያዎች ይናገራሉ፡፡ በየዓመቱ ‹‹አስራ አንድ በመቶ አደገ›› እየተባለ ከበሮ የሚመታለት የኢትዮጵያ ኢኮኖሚ፣ ብድር ለመክፈል እንኳን የሚያበቃ ተክለ ሰውነት እንደሌለው የሚናገሩት ባለሙያዎቹ፣ በተለይ ከወጪ ንግድ የሚገኘው የውጭ ምንዛሬ ከጊዜ ወደ ጊዜ ማሽቆልቆል፣ በኢኮኖሚው ላይ ተፅዕኖ አሳድሯል፡፡ በዚህኛው በጀት ዓመት ዘጠኝ ወራት ወደ ውጪ ከተላኩ ዕቃዎች የተገኘው የኤክስፖርት ገቢ፣ ለኢምፖርት የተከፈለውን የውጪ ምንዛሬ መሸፈን የቻለው 17 በመቶ ያህሉን ብቻ ነው፡፡

‹‹በኤክስፖርት ገቢው ላይ የሚታየው ማሽቆልቆል አሳሳቢ ነው፡፡›› ያሉት ዶ/ር አብርሃም፣ በበጀት ዓመቱ የመጀመሪያዎቹ ዘጠኝ ወራት ከኤክስፖርት የተገኘው 1.95 ቢሊዮን ዶላር ብቻ መሆኑን ጠቁመዋል፡፡ ይህም ባለፈው ዓመት በተመሳሳይ ጊዜ ከተገኘው የ2.9 ቢሊዮን ዶላር ጋር ሲነፃፀር ‹‹ከፍተኛ ውድቀት›› ሊባል የሚችል ማሽቆልቆል አሳይቷል፡፡ ሚኒስትሩ፣ የመጪውን የ2010 ዓመት በጀት አስመልክቶ ለፓርላማ ባቀረቡት ማብራሪያ ላይ፣ ‹‹የተከሰተውን የወጪ ገቢ ንግድ በማሳደግ፣ በዓለም ዓቀፍ አበዳሪ ተቋማት ዘንድ ያለንን የስጋት መጠን መቀነስ አለብን፡፡›› በማለት በተደጋጋሚ ተናግረዋል፡፡

በአዲስ አበባ ቂርቆስ ክፍለ ከተማ አንድ ሺህ 573 መኖሪያ ቤቶች እየፈረሱ ነው

የአዲስ አበባ ከተማ አስተዳደር በቂርቆስ ክፍለ ከተማ አንድ ሺህ 573 መኖሪያ ቤቶችን እያፈረሰ መሆኑ ታወቀ፡፡ በክፍለ ከተማው ከአፍሪካ ህብረት ጀርባ እየተካሔደ ባለው የማፍረስ ዘመቻ በሺዎች የሚቆጠሩ ነዋሪዎች መፈናቀላቸውን ለማወቅ ተችሏል፡፡ ከዚህ ቀደም በክፍለ ከተማው ‹‹ፈለገ ዮርዳኖስ›› በተባለው በዚሁ ስፍራ፣ በርካታ ቤቶች ፈርሰው በሺዎች የሚቆጠሩ ነዋሪዎች መፈናቀላቸው ይታወሳል፡፡ አሁን እየተካሔደ ያለው የማፍረስ ዘመቻም የዛኛው ተከታይ ክፍል መሆኑን መረጃዎች ጠቁመዋል፡፡

የአዲስ አበባ ከተማ አስተዳደር በተጠቀሰው ክፍለ ከተማ እና ሰፈር 17 ሔክታር መሬት ከነዋሪዎች ለማጽዳት እየሰራ ሲሆን፣ ቦታውም ለቻይና መንግስት ጨምሮ ለሌሎች የውጭ ሀገር ባለሃብቶች እንደሚሰጥ ታውቋል፡፡ በተለይ አሁን ላይ በፍጥነት እየተካሔደ ያለውን አንድ ሺህ 573 ቤቶችን የማፍረስ ዘመቻ ተከትሎ፣ ቦታው የቻይና መንግስት ለሚገነባው ህንጻ መስሪያነት ይውላል፡፡ የቻይና መንግስት ‹‹ቻይና አፍሪካን ሚሽን›› ብሎ ለሰየመው አህጉር ዓቀፍ ፕሮጀክት ማከናወኛ የሚሆን ቢሮ በአዲስ አበባ ለመገንባት ያቀደ ሲሆን፣ ግዙፉን ህንጻ የሚገነባውም ነዋሪዎች እየተፈናቀሉ ባሉበት በዚሁ ቦታ ላይ ነው፡፡

አንድ ሺህ 573 መኖሪያ ቤቶች እየፈረሱበት ባለው የአፍሪካ ህብረት ጀርባ አካባቢ ከቻይና መንግስት በተጨማሪ አንድ የኳታር ባለሃብት ድርሻ እንዳለውም ተጠቁሟል፡፡ በአካባቢው ከነዋሪዎች እየጸዳ ካለው 17 ሔክታር መሬት ውስጥ የቻይና መንግስት አራት ሔክታር መሬት የተፈቀደለት ሲሆን፣ ስድስት ሔክታር የሚሆነው መሬት ደግሞ ለኳታር ንጉሣዊ ቤተሰቦች ተሰጥቷል፡፡ የኳታር ንጉሳዊ ቤተሰብ ንብረት የሆነው ኢዝዲን ሆልዲንግ ግሩፕ በዚህ ቦታ ላይ ሆቴልን ጨምሮ ሪል ስቴት እና የገበያ ማዕከል ለመገንባት ፈቃድ አግኝቷል፡፡ የተቀረው ሰባት ሔክታር መሬት በቀጣይ ለምን አገልግሎት እንደሚውል እስካሁን የተገለጸ ነገር የለም፡፡

ከነዋሪዎች እየጸዳ በሚገኘው በዚሁ 17 ሔክታር መሬት ላይ 1,573 ቤቶች የሚገኙ ሲሆን፣ እስካሁን ድረስም 1,271 ቤቶች ፈርሰው ማለቃቸውን ለማወቅ ተችሏል፡፡ የማፍረስ ዘመቻው በፍጥነት እየተከናወነ መሆኑ፣ ነዋሪዎችን ለእንግልት እና ላልተፈለገ ውጣ ውረድ እየዳረገ ይገኛል፡፡ ከዚህ ቀደም በዚሁ አካባቢ በተካሔደው መሰል የማፍረስ ዘመቻ፣ በርካታ ነዋሪዎች ቅሬታ ሲያቀርቡ እንደነበር አይዘነጋም፡፡ ከቦታቸው ተነስተው ተተኪ መኖሪያ ቤት ተሰጣቸው የተባሉ ነዋሪዎች፣ በምትክነት ተሰጣቸው የተባለው ኮንዶሚንየም መብራት፣ ውሃ እና ሰመል መሰረታዎ ነገሮች ያልተሟሉበት መሆኑን ሲገልጹ ቆይተዋል፡፡ የቻይና መንግስት አፍሪካን በቁጥጥሩ ስር ለማዋል የነደፈውን ‹‹ቻይና አፍሪካን ሚሽን›› ፕሮጀክት፣ ዋና መቀመጫውን አዲስ አበባ በማድረግ ለማስፈጸም ተዘጋጅቷል፡፡

የጌታችን የኢየሱስ ክርስቶስን ስም የሚያጎድፍ ፊልም እየተሠራ ነው ስለሚባለው መረጃና በላሊበላ ተከስቶ ስለነበረው እሳት

 


ውይይት በአደባባይ: የጌታችን የኢየሱስ ክርስቶስን ስም የሚያጎድፍ ፊልም እየተሠራ ነው ስለሚባለው መረጃና በላሊበላ ተከስቶ ስለነበረው እሳት

የችካጎ ቅድስት ማርያም ቤተክርስቲያን ፖለቲካዊ ውጥረት ከገዥው መንግስት ገጠማት

ዘጋቢ ዘላለም ገብሬ ከቺጋጎ

ላለፉት ኣንድ ኣመታት በፖለቲካ ውዝግብ ውስጥ በመሆን የቤተክርስቲያን ኣገልግሎቷን በትክክል መስጠት ያልቻለችው የደብረ ገነት ቅድስት ድንግል ማርያም ቤተክርስትያን ፣ ኣስተዳደራዊ መድሎ መጥቶብኛል በማለት ጥሪ ለማህበረሰብ ብታደርግም በጥሪው መሰረት ሊደርስላት የቻለ ኣንድም ኣካል ኣልነበረም:: ሆኖም ግን በኣሁን ሰኣት የከፋ ውድቀት ላይ ደርሳለች::

በቤተክህነቴ ውስጥ ምንም ዓይነት የፖለቲካ ሂደት ሊንቀሳቀስ ኣይገባም ማንኛውም ማህበረሰብ ፖለቲካውን በውጭ ማንጸባረቅ ይችላል ፤ ሆኖም ግን ይህ የእምነት ቤት ነው እናም የእምነት ስርአታችን ይከበር ብለው ድምጽ ቢያሰሙ ተቀባይነት ሊያገኝ ኣልቻለም።

በችካጎ ነዋሪ ማህበረሰብ የተመሰረተችው ይህችው ቤተክርስትያን በወያኔ ኣባላት አና ተላላኪ ፓትርያሪኮች ውጥረት ውስጥ በመግባትዋ ህዝብ ከጎኔ ሆኖ ይዳኘኝ ስትል ጥሪ ማቅረቡዋን የደረሰን መረጃ ያመለክታል:: የቤተክህነት አባላቶች እንደጠቆሙት ከሆነ በኦሃዮ ቤተክርስቲያናትን በማፍረስ የሚታወቁት ሊቀካህን በችካጎም ለማፍረስ ግንባር ቀደሙን ስፍራ ይዘዋል ይህንን ህዝባዊ የሆነ ንብረታችንን እና የአንድነት የምነት ጽናታችንን በጋራ እንታገላለን ሲሉ በአጽኖት ጥሪ ያቀረቡት ምእመናኖች እና የቤተክርስቲያኒቱ አባላቶች፣ ህዝብ በላቡ ኣንጠፍጥፎ የሰራትን ቤተመቅደስ በኣንድ አና ሁለት ግልሰብ መፍረስ የለባትም ሲሉ ጥሪ አቅርበዋል ፣ በኒው ዮርክ የሚገኙት እና የወያኔ ደህንነት ናቸው ተብለው የሚጠሩት ብጹአ ኣቡነ ዘካርያስ የማስፈራርያ እና በቤተክርስቲያናቱ የሚያገለግሉ ካህናትን የመገደብ የመገዘት ሂደት እምነታዊ ስርአት ሳይሆን ስርአት አልበኝነት ነው ፤ ህግ በግል ስልጣናቸው ያወጡ ሲሆን ፣ባለፉት ወራት ለሽምግልና ብለው ከኒውዮርክ ቢመጡም በራሳቸው ስልጣን ፣ከህዝቡ ፈቃድ ውጭ የነበሩትን የቤተክርስቲያን ኣባት ከስልጣን በማውረድ በተተኪው ከኢትዮጵያ ሌላ መንፈሳዊ ኣባት ለማምጣት በመጣራቸው ብጥብጡ ሊነሳ የቻለ መሆኑን ጠቁመው ፣ከኢትዮጵያ ለሚመጡት መነኩሴ ኣባት የደመወዝ ክፍያቸውን የችካጎ ነዋሪዎች አንደሚሸፍኑ አክለው ገልጸዋል።

ይህ በእንዲህ እንዳለ ማህበረሰቡ ለዚህም ጉዳይ የመነኩሴውን ክፍያም ሆነ ለሚደረጉት ማናቸውም ነገሮች ሃላፊነትን የማንወስድ ሲሆን ቤተክርስቲያኒቱ ሃላፊነትን ልትወስድ አይገባም ሲሉ ተናግረዋል በተጨማሪም ማህበረሰቡም ዕዳ የለበትም ሲሉ ገልጸዋል።

በኣሁን ሰኣት ከኦሃዮ ቤተክርስቲያንን ኣፈረሱ የተባሉት ሊቀ ካህን የቤተክርቲያኒቱን ቁልፍ በመቀየር በግላቸው ስልጣን ቁልፍ መያዛቸው እና ምዕመናንን ማባረራቸው ተገልጾኣል:: በዚህም መሰረት ቁጣውን የገለጽው የችካጎ የቅድስት ድንግል ማርያም ቤተክርስቲያን ኣባላት እና ኣገልጋይ ካህናት ወደ ክስ ኣቅጣጫ የሚያመራቸውን ኣጀንዳ መጀመር አንደሚፈልጉ አና የህግ ጥብቅና ኣገልግሎት ሊሰጣቸው የሚችል የህግ ባለሙያ ጥሪ እያደረጉ ይገኛሉ። በዚህም ጥሪ መሰረት የነገው እሁድ ቀን ሰኔ ፲፩ ፪፲፻፱ (June 18/2017) በሚደረገው የቅዳሴ መረሃ ግብር ላይ ማንኛውም ህዝበ ክርስቲያን ተነስቶ የላቡን እና የእምነቱን ዋጋ ማግኘት ለበት ሲሉ የጠቆሙ ሲሆን ቤተ ክርስቲያናችን በፖለቲከኞች አንጃ እና የጥቅመኞች ጎራ ተሰልፋ መቆም የለባትም ሲሉ ጥሪያቸውን አስተላልፈዋል ።

በተለይም ቁልፉን በመቀየር እና ቤተክርስቲያንን በማፍረስ የሚታወቁት የተባሉትን ሊቀ ካህን (የዚህን ግለሰብ) ውሳኔ የተመለከቱ ማህበረሰቦች በሙሉ ቁጣቸው ከፍያለ ከመሆኑም በላይ የዘሃበሻ እና ማለዳ ታይምስ ዘጋቢ ከስፍራው እንደገለጸው ከሆነ ካህኑ ቁልፉን በመቀየሩ ብቻ ይህዝብ ንብረት የሆነውን ይህንን ትልቅ ድርጅት አንደ ግላቸው በራሳቸው ፈቃድ ሁከትን በመፍጠራቸው እና የፖለቲካ ኣንጃቸውን በማንጸባረቃቸው ፣ በመካፈልን በመፍጠር አና ዲያቆናትን በማባረር ኀር ሲተበትቡ አንደነበር ጥናት በማካሂያድ ቆይቶ የህግ ባለሙያ ኣናግሮ ፣የህግ ባለሙያዎች አንደገለጹለት ከሆነ ከአስር አመት አስከ አስራ አምስት አመታት ቅጣት ሊጠብቃቸው እንደሚችል እና የቤተ ክህነት አገልግሎት ፈቃዳቸው ሊነጠቅ አንደሚችል ጭምር አክሎ ገልጧል::

ይህ በእንዲህ እንዳለ ቤተክርስቲያኒቱ በችካጎ ለሚገኙት ህዝበ ምእመናን አና በሌሎች ሰሜን የሚገኙ ህዝበ ክርስቲያንን ድረሱልኝ ሸምግሉኝ ፣እነዚህን ፖለቲከኞች ከስሬ አስወጡልኝ ስትል ጥሪዋን አቅርባለች ። ይህ የችካጎ ህዝብ ገንዘብ እና ንብረት አንጂ በፖለቲካ የተመሰረቱ ግለሰቦች መጠቀሚያ ኣይደለሁም ስትል ትገልጻለች ቤተክርስቲያኒቱ። ዘሃበሻ ከዚህ በፊት አንደዘገበው የዲያቆን በረከት ገብሬ መባረር ዋነኛ ኣጀንዳ ከመሆኑም በላይ ከዚያን ጊዜ ጀምሮ ቤተክርስቲያኒቱን ኀርኅሮ የመጣው ፖለቲካዊ ኣጀንዳ ክፉኛ ኣወዳደቅ ላይ ደርሶኣል።

የዲያቆን በረከት መባረር ምክንያት በእሪቻ በአል ላይ በመንግስት ግፍአዊ አገዛዝ ለተጨፈጨፉ ዜጎቻችን የህሊና ጸሎት በማድረጉ አና ምእመናን ለሃገራችን ጸሎት ያስፈልጋታል፣ የሃይማኖት አባቶቻችን እጃችሁን ወደ እግዚአብሂአር ዘርጉ ብሎ በአደባባይ መናገሩ እንደ ሃጢአት ተቆጥሮ ነው ክስ የተጀመረበት ፣ከዚያን ጊዜ በሁዋላ ከአገልግሎት እንዲታገድ ተደርጉል ይህንንም ዘሃበሻ እና ማለዳ ታይምስ መዘገባቸው የቅርብ ጊዜ ትውስታችን ነው ይህም በመከሰቱ እና የዜና ሪፖርቱ በመታወጁ እነዚህኑ የስለላ ስራ የሚሰሩትን የቤተክርስቲያን አቀንጭራዎች እንደአስቆጣቸው፣ መዕመናን ገልጸዋል።

በዚህች ቤተክርስቲያን ውስጥ ለአንድ አመት ያላሰለሰ ጥረት ተደርጎ በሰላም ለመፍታት ጥረት ቢደረግም በጉልበታቸው ቁልፉን የቀየሩትን እኝህን የሃይማኖት አገልጋይ የተባሉትን እና የቤተክርስቲያን ጠላት ለመክሰስ ዝግጅታችንን አጠናቀናል ሲሉ፣ ከአሁን በኋላም ከኒው ዮርክ መጥቼ ስለቤተክርስቲያኗ ያገባኛል የሚሉትም ብጹእ ኣቡነ ዘካርያስ ወደ ቤተክርስቲያኗ ጥግ እንዳይደርሱ የፍትህ ደብዳቤ አያይዘን ለመላክ ዝግጅታችንን አጠናቀናል ሆኖም ግን አሁን ህዝበ ክርስቲያኑ ከጎናችን ይሆን ዘንድ በአክብሮት እንጠይቃለን ሲሉ ጥሪያቸውን አቅርበዋል።

አሳፋሪ! አሳፋሪ… ለውርስ ብሎ አባቱን አርቲስት ዓለማየሁ ሄርጶን ሞቷል ብሎ ከፍርድ ቤት ወረቀት ያወጣው ልጅ

not deadhirpo

 

በህወሐት የጦር መኮንንኖች የበላይ አዛዥነት የሚንቀሳቀሰው ሜቴክ ላላከናወነው ግንባታ ከ 2 ቢሊዮን ብር በላይ ክፍያ ተፈጸመለት

በህወሃት የጦር መኮንንኖች የሚመራው የብረታ ብረት ኢንጂነሪንግ (ሜይቴክ) ላላከናወነው ግንባታ ከ 2 ቢሊዮን ብር በላይ ክፍያ ተፈጸመለት።

በህወሃት የጦር ጄኔራሎች የበላይ አዛዥኘት ክፍያውን የወሰደው ሜቴክ ከ 3 አመት በፊት ግንባታውን አጠናቅቆ ለማስረከብ ውል ስለተፈረመበት ያዩ ማዳበሪያ ፋብሪካ መሆኑ ከዋና ኤዲተሩ የተገኘው መረጃ አመልክቷል። ሜቴክ ማዳበሪያ ፋብሪካውን ሰርቶ በማጠናቀቅ ማስረከብ የነበረበት በ 2006 አ’ም ቢሆንም አስከ አሁን ድረስ ሰርቶ ያጠናቀቀው ከግማሽ በታች (42 በመቶ ) ብቻ መሆኑን የኦዲት ሪፖርቱ ይፋ አድርጓል’።


የዋናው ኤዲተር ሪፖርት አንዳመላከተው ሜቴክ ምንም አንኳን የአፈጻጻም ደረጃው ክፍያ ሊያስገኝለት የሚችለው 3.7 ቢሊዮን ብር ያህል ቢሆንም የተከፈለው 5.7 ቢሊዮን ብር መሆኑን እና ላልተከናወነ ስራ ከ2 ቢሊዮን ብር በላይ መከፈሉን አረጋግጧል።

ዋና ኦዲተሩ አያይዞ አንደገለጸው ሜቴክ በገባው ውል መሰረት ከ 3 አመት በፊት አጠናቅቆ ማስረከብ ያለበትን የያዩ ማዳበሪያ ፋብሪካ በማንጓተቱ ምክንያት ኮርፖሬሽኑ ከባንክ ለተበደረው ብድር ወለድ ብቻ ከ 1.8 ቢሊዮን ብር በላይ መክፈሉን አስታውቀዋል።


በቀጣይም ሜቴክ በገባው ውል መሰረት ፕሮጀክቱ በተራዘመ ቁጥር የማዳበሪያ ፋብሪካው የሚያመነጨው ገቢ ስለማይኖር ለባንክ የሚከፈለው ወለድ በከፍተኛ መጠን ሊያድግ እንደሚችልና የፋብሪካው ዘላቂነት አደጋ ውስጥ ሊገባ እንደሚችል አመላክተዋል።


በህወሐት የጦር መኮንንኖች የበላይ አዛዥነት የሚንቀሳቀሰው ሜቴክ በርካታ ፕሮጀክቶች ያለአቅሙ በመውሰድ በህዝብ ገንዘብ ላይ ከፍተኛ ጉዳት አያደረሰ መሆኑን በተደጋጋሚ የሚገልጽ መሆኑ የሚታወስ ነው።