ከሆላንድ ወደ ኢትዮጵያ የገባውን ዲያስፖራ ስምንት ቦታ በሳንጃ ወግተው የገደሉት አልተያዙም!

Ethiopian Diaspora from Holland, Leykun Eshetu

 

ከሚኖርበት  ሆላንድ  ወደ  ትውልድ  ሃገሩ  ኢትዮጵያ  የገባው  ወጣት ለይኩን  እሸቱ  በፋሲካ  በዓል ዋዜማ  ስምንት ቦታ በስለት  ወግተው  የገገደሉት  ወንጀለኞች  እስካሁን  አልተያዙም። የአካባቢው ነዋሪዎች  እንደሚሉት ከሆነ  ገዳዮቹ  ባለጊዜዎች ስለሆኑ ሟች ደመ ከልብ ሆኖ ቀርቷል።

ስማቸው እንዳይገለጽ የፈለጉ አንድ የአካባው ነዋሪ ሲናገሩ፣  “ፍጹም፣ ቴዲ እና ባርያው በመባል የሚታወቁ እነዚህ ተጠርጣሪ ነብሰ ገዳዮች በአካባቢው ነዋሪን በእጅጉ ሲያስጨንቁ የኖሩ ናቸው። ይህ ግድያ የመጀመርያቸው አይደለም። ከወር በፊትም የንጹህ ዜጋ አይን አፍስሰዋል። ፖሊስ ግን አይይዛቸውም። ”  ብለዋል።

ይህ ሁሉ ሲሆን ፍትህ የሚያስከብር የመንግስት አካል እና  ህግ አስከባሪ ጉድዩን ችላ ብሎታል::  ከአንዳንዶች እንደሚሰማው ከሆነ ፖሊስ ለወንጀለኞቹ ሽፋን እየሰጣቸው ነው።  ከሟች የቀብር-ስነ ስርዓት በኋላ ህዝቡ ንፋስ ስልክ ላፍቶ ክፍለ ከተማ  በሚገኘው ፖሊስ ድረስ በመሄድ ተጠርጣሪዎቹ በአስቸኳይ  እንዲያዙ ቢጠይቅም፤  ፖሊስ ለህዝቡ በጎ ምላሽ ከመስጠት ይልቅ በህዝቡ ላይ ተኩስ መክክፈት ለቀስጠኛው  እንዲበተን አድርጓል።  ቪድዮውን ይመልከቱ።

የሟች ጓደኛ ዳንኤል ንጉሴም በግድያው  በተጠረጠሩት  አምስት  ግለሰቦች  በሳንጃ ተወግቶ ጥቁር አንበሳ  ሆስፒታል  ከፍተኛ ቀዶ ጥገና  ተደርጎለታል።

ለዚህ አሰቃቂ ግድያ እና አደጋ መነሻ የሆነ ምክንያት እንደሌለ ነው ሰዎች የሚናገሩት። ከህግ በላይ የሆኑ ባለግዜዎች እና  ጉልበተኞች እንዲሁ በማናለብኝነት የፈጸሙት ወንጀል ነው። ሃገሪቱ  ሰው ከቤቱ በስላም ወጥቶ ለመግባት ምንም ዋስትና የሌለበት ሃገር ሆናለች።

ይህ አሰቃቂ ግድያ  በሆላንድ የሚኖሩ የለይኩን ወዳጆችን በእጅጉ አስደንግጧል። ከቶውንም “ዲያስፖራ” ፣” ኢንቨስተር” ወዘተ እየተባለ የሚለፈለፈው ሁሉ ለዲያስፖራው ዋስትና ከማይሰጥ መንግስት መሆኑም አሁን ግልጽ የሆነ ይመስላል።

Advertisements

Author: mr☻n Taye Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s