በአማራ ባሕር ዳርና በኦሮምያ የተለያዩ ከተሞች ብዙ ሕይወት ጠፋ

ኦሮምያ ውስጥ ትናንት ቅዳሜና ዛሬ በተካሄዱ ግጭቶች ከ30 በላይ ሕይወት መጥፋቱን የኦሮሞ ፌደራሊስት ኮንግረስ – ኦፌኮ አስታወቀ፡፡

የኦፌኮ ምክትል ሊቀመንበር አቶ ሙላቱ ገመቹ ለቪኦኤ በሰጡት ቃል ግድያዎቹ የተፈፀሙት በአሥራ አምስት የኦሮምያ ከተሞች ውስጥ እንደሆነ ከተሞቹን በስም፤ በየከተማው የደረሰውን ጉዳትም በቁጥር እየጠሩ ዘርዝረዋል፡፡

የመንግሥት ተቋማት ለሰልፎች ዕውቅና ባለመሥጠት ጥያቄዎቹን እንደሚያፍኑ የተናገሩት አቶ ሙላቱ “ጠቅላይ ሚኒስትሩ፣ የኦሮምያ ፕሬዚዳንትና አማካሪዎቻቸው የሰዉ ደም መፍሰስና ግጭቱ ከማንም በላይ ሊያሳስባቸው ይገባል” ብለዋል፡፡

በሌላ በኩል ደግሞ ዛሬ ባሕር ዳር ከተማ ላይ በተካሄደው የተቃውሞ ሰልፍ ሰባት ሰው መገደሉን የሰማያዊ ፓርቲ ምክትል ሊቀመንበር አመልክተዋል፡፡

ፓርቲው ቀደም ሲል ጠርቶት የነበረውን ሰልፍ ፍቃድ ባለማግኘቱና ሊደርስ ይችላል ያለውን መዘዝ በመሥጋት መሠረዙን ትናንት አስታውቆ እንደነበር የገለፁት ምክትል ሊቀመንበሩ አቶ ነገሠ ተፈረደኝ ሰዉ በራሱ አደባባይ መውጣቱንና ቁጥሩም ምናልባት ጎንደር ላይ ወጥቶ ከነበረው ሰልፈኛ ሳይበልጥ እንደማይቀር አመልክተዋል፡፡

ባሕር ዳር ላይ የተገደሉት ሰባት ሰዎች መሆናቸውን ያረጋገጡት የክልሉ የመንግሥት ኮምዩኒኬሽንስ ጉዳዮች ቢሮ ዳይሬክተር አቶ ንጉሡ ጥላሁን ከሰልፈኞቹ መካከል ፈንጂና ቦምብ የያዙ ነበሩ፤ እነዚሁ ሰዎች በፀጥታ ኃይሎችና በተለያዩ ተቋማት ላይ ጥቃት ፈፅመዋል፤ የመንግሥት ኃይሎች ሕግ የማስከበር እርምጃ ወስደዋል” ብለዋል፡፡

በዚሁ ግጭት ወቅት ከሃምሣ በላይ ሰው መቁሰሉ ተገልጿል፡፡

መንግሥት የኃይል እርምጃ መውሰድ እንዲያቆም ያሳሰበው የመላ ኢትዮጵያ አንድነት ድርጅት የባሕር ዳሩን እርምጃ እንደሚያወግዝ አስታውቋል፡፡

የፓርቲው ምክትል ፕሬዚዳንት አቶ ሙሉጌታ አበበ ለቪኦኤ በሰጡት መግለጫ እንዲህ ዓይነቱ እርምጃ ሃገሪቱን ወዳልተጠበቀ አቅጣጫ ሊወስዳት እንደሚችል አሳስበዋል፡፡

በትናንትና በዛሬ የአማራና የኦሮምያ ክልሎች ሁኔታዎች ላይ የተቀናበሩትን ዘገባዎች ከተያያዘው የድምፅ ፋይል ያዳምጡ፡፡voa

Advertisements

Author: mr☻n Ta Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s