በግብፅ ኢትዮጵያውያንን ጨምሮ ከ150 በላይ ስደተኞች በቁጥጥር ስር ዋሉ

ኢሳት (ነሃሴ 10 ፥ 2008)2b723-800px-destruction_in_homs_252842529
በግብጽ የሜዲትራኒያን ባህር ግዛት ወደ ተለያዩ የአውሮፓ ሃገራት በህገወጥ መንገድ ሲጓዙ ነበሩ የተባሉ ኢትዮጵያውያንን ጨምሮ ከ150 በላይ የተለያዩ የአፍሪካ ሃገራት ስደተኞች በቁጥጥር ስር መዋላቸውን የግብፅ የባህር ሃይል ባለስልጣናት አስታወቁ።
በሃገሪቱ በኩል ወደ አውሮፓ ለመሰደድ የሚፈልጉ ኢትዮጵያውያን ቁጥር እየጨመረ መምጣቱን ድርጊቱ አሳሳቢ እየሆነ መምጣቱን ዴይሊ ኒውስ ኢጂፕት የተሰኘ ጋዜጣ ባለስልጣናትን ግቢ በማድረግ ዘግቧል።
በቁጥጥር ስር የዋሉትን 153 ስደተኞች ከኢትዮጵያ፣ ግብፅ ኤርትራ ሱዳን፣ ሶማሊያ፣ ኮሞሮስ ሲሆኑ፣ ስደተኞቹ ተላልፈው መሰጠታቸውን የባህር ሃይል ቃል አቀባይ የሆኑት ሞሃመድ ሳሚር ለመገናኛ ብዙሃን ገልጸዋል።
ባለፈው ወር በተመሳሳይ ሁኔታ በርካታ ኢትዮጵያውያንን ጨምሮ 143 የጎረቤት አፍሪካ ስደተኞች በግብፅ የሜዲትራኒያን የባህር ግዛት በቁጥጥር ስር መዋላቸው ይታወሳል።
ሃገሪቱ ለአውሮፓ ስደት አዲስ መንገድ እየሆነች መምጣቷን የተናገሩት የግብፅ የባህር ሃይል ባለስልጣናት የስደተኞቹን ጉዞ ለመግታት መጠነ ሰፊ የቁጥጥር ዘመቻ መክፈቱን አስታውቀዋል።
ከወራት በፊት በኦሮሚያ ክልል የተቀሰቀሰውን ተቃውሞ ተከትሎ በርካታ ወጣቶች ወደ ሃገሪቱ በስደት መግባታቸውን የተባበሩት መንግስታት የስደተኞች ኮሚሽን ይገልጻሉ።
ወደ ሃገሪቱ በስደት ከገቡ ኢትዮጵያውያን ስደተኞች መካከል ሁለቱ ባለፈው ወደ ራሳቸውን በማቃጠል ህይወታቸው ማለፉ ይታወሳል።
የሁለት ልጆች እናትና አንድ ወጣት የወሰዱት ይኸው እርምጃን ተከትሎ ሃዘን እንደተሰማው የገለጸው የስደተኛ ኮሚሽን ቢሮው ከተወሰኑ ቀናት አገልግሎት አቋርጦ እንደንበር የግብፅ መገናኛ ብዙሃን ሲዘግቡ ቆይተዋል።
የአለም አቀፉ የስደተኞች ኮሚንሽንን ጨምሮ የተለያዩ አካላት ከቅርብ ጊዜ ወዲህ ከኢትዮጵያ የሚሰደዱ ሰዎች ቁጥር እየተባባሰ መምጣቱን በመግለጽ ላይ ሲሆኑ መንግስት ስደተኞቹን ለመቆጣጠር በድንበር የሚያካሄደው ቁጥጥር ችግሩን አለመቅረፉ ይነገራል።

Advertisements

Author: mr☻n Taye Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s