በኢትዮጵያ የተቀሰቀሰው ተቃውሞ ሰላማዊ ምላሽ ካላገኘ ከፍተኛ ቀውስ ሊያስከትል ይችላል ተባለ

በኢትዮጵያ በተለያዩ ክልሎች በመካሄድ ላይ ያለው ህዝባዊ ተቃውሞ ለአፍሪካ ህብረትና ለተለያዩ አለም አቀፍ አካላት ልዩ ትኩረት እየሆነ መምጣቱንና ተቃውሞ ሰላማዊ ምላሽ ካላገኘ በመላው ሃገሪቱ ተቃውሞ ሊቀሰቅስ እንደሚችል የቱርክ የዜና አገልግሎት አርብ ዘገበ።
መቀመጫውን በአዲስ አበባ ያደረገው የአፍሪካ ህብረት ኮሚሽን ባልተለመደ መልኩ በሃገሪቱ ስላለው የጸጥታ ሁኔታ ስጋቱን እየገለጸ እንደሆነ ያወሳው አናዱሉ የዜና አውታር፣ ተቃውሞው አሁንም ድረስ እልባት አለማግኘቱን የተለያዩ መረጃዎችን ዋቢ በማድረግ አቅርቧል።
በሃገር ውስጥ የሚገኙ የተቃዋሚ ፓርቲ አመራሮች ከወራት በፊት የተቀሰቀሰው ህዝባዊ ተቃውሞ ተክትሎ ኢትዮጵያን በመስቀለኛ መንገድ ውስጥ እንድትገባ ማድረጉን ለቱርኩ የዜና ወኪል በሰጡት ቃለምልልስ ገልጸዋል።
ከ500 የሚበልጡ ሰላማዊ ሰዎች በዚሁ ተቃውሞ መሞታቸውን የዘገበው የዜና አውታሩ በአማራና ኦሮሚያ ክልሎች ውጥረቱ አሁንም ድረስ ዕልባት ሳያገኝ መቀጠሉን አመልክቷል።
የመንግስት ባለስልጣናት ህዝባዊ ተቃውሞው እልባት እንዳገኘ በተደጋጋሚ ቢገልጹም በኦሮሚያ ክልል በሚገኙ የተለያዩ ከተሞች ጸረ-መንግስት የስራ ማቆም አድማና ተቃውሞ መቀጠሉ ታውቋል።
በሃገሪቱ ያለው የጸጥታ ሁኔታ እየተባባሰ መምጣቱን ተከትሎ የአፍሪካ ህብረት ኮሚሽን ሊቀመንበር ንኮሳንዛ ድላሚኒ ዙማ የኢትዮጵያ መንግስት እየወሰደ ካለው እርምጃ እንዲቆጠብ ጠንካራ መልዕክት ማስተላለፋቸውን የቱርኩ የዜና አናዱላ በዘገባው አመልክቷል።
የአሜሪካ መንግስትን ጨምሮ የአውሮፓ ህብረትና የተባበሩት መንግስታት የሰብዓዊ መብት ኮሚሽን የኢትዮጵያ መንግስት እየወሰደ ነው ያሉትን የሃይል እርምጃ በአስቸኳይ በማቆም ለህዝባዊ ጥያቄው ሰላማዊ ምላሽ እንዲሰጥ ማሳሰባቸው ይታወሳል።
14 አለም አቀፍ የሰብዓዊ መብት ተሟጋች ድርጅቶች በበኩላቸው ለተባበሩት መንግስታት ድርጅት የሰብዓዊ መብት ኮሚሽን የጋር ጥያቄን በማቅረብ በመንግስት ላይ ጠንካራ እርምጃ እንዲወሰድ ሃሙስ ይፋዊ ጥያቄ ማቅረባቸው ይታወሳል።
በተያዘው ሳምንት የአውሮፓ ህብረት በኢትዮጵያ ይፈጸማል ያለውን ግድያና የሰብዓዊ መብት ጥሰት በማውገዝ ለሃገሪቱ የሚሰጠው የአስቸኳይ ጊዜ ድጋፍ እንዲቋረጥ ያደረገ ሲሆን፣ ከሳምንት በኋላ የተባበሩትን መንግስታት የሰብዓዊ መብት ኮሚሽን ተወካዮች በጉዳዩ ዙሪያ ለመምከር ወደ ኢትዮጵያ ይጓዛሉ ተብሎ ይጠበቃል።

14037783_10205234208373366_1048345346_o

Advertisements

Author: mr☻n Ta Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s