ሁለት ጋዜጠኞችን ጨምሮ 19 ሙስሊም ኢትዮጵያውያን ተፈረደባቸው

Image may contain: one or more people and people standingበቅርቡ የጥፋተኝነት ውሳኔ የተላለፈባቸው ሁለት ጋዜጠኞችና 18 ተከሳሾች ከስድስት ወር እስከ አምስት አመት የሚደርስ የእስር ቅጣት ማክሰኞ ተላለፈባቸው። ተከሳሾቹ ድምጻችን ይሰማ ሲሉ በችሎቱ መፈክር ማሰማታቸውም ተመልክቷል።
የፌዴራሉ ከፍተኛው ፍርድ ቤት 18ቱ ተከሳሾች የሙስሊም የመፍትሄ አፈላላጊ ኮሚቴ አባላትን ከእስር ቤት ለማስወጣት የሽብር ጥቃት ለማድረስ በተመሰረተባቸው የሽብር ወንጀል ክስ ባለፈው ሳምንት የጥፋተኝነት ብይን ሰጥቶ እንደነበር ይታወሳል።
ማክስኞ የፍርድ ውሳኔውን ያስተላለፈው ፍርድ ቤቱ በከድር መሃመድ የሱፍ የክስ መዝገብ ጥፋተኛ በተባሉ 19 ከተሳሾች ላይ የአምስት አመት ከስድስት ወር የእስር ቅጣት ፍርድ መሰጠቱ ታውቋል።
በዚሁ ክስ መዝገብ ውስጥ የሚገኘው ጋዜጠኛ ዳርሴማ ሶሪ ካለበት የሳንባ በሽታ ምክንያት በአራት አመት ከአምስት ወር እስራት እንዲቀጣ መወሰኑን ከሃገር ቤት የተገኘ መረጃ ያመለክታል።
የፌዴራሉ ከፍተኛ ፍርድ ቤት ማክሰኞ የፍርድ ውሳኔውን በጽሁፉ ባሰማ ጊዜ ተከሳሾች “ድምጻችን ይሰማ” ሲሉ ድምጻቸውን ከፍ አድርገው በችሎት ማሰማታቸውንም አዲስ ስታንዳርድ ዘግቧል።
የፍርድ ውሳኔውን ለመስማት በፍርድ ቤቱ ቅጥር ግቢ በርካታ ሰዎች ተገኝተው የነበረ ሲሆን፣ የመንግስት የጸጥታ ሃይሎች የተሰባሰቡ ሰዎችን እንደበተኑም ለመረዳት ተችሏል።
የተከሳሾቹ ጠበቃ የሆኑት አቶ ሙስጠፋ ሱሌይማን በበኩላቸው የተላለፈው ፍርድ ተገቢ አለመሆኑንም በመግለጽ ደንበኞቻቸው ህግ በሚፈቅድላቸው መሰረት ሃሳባቸውን በነጻነት ለመግለጽ ባደረጉት ጥረት ለእስር መዳረጋቸው ለጋዜጠኞች ገልጸዋል።
የፍርድ ውሳኔን ከተላለፈባቸው መካከል አራት ተከሳሾች በቅርቡ በቂሊንጦ እስር ቤት ደርሶ በነበረ የእሳት አደጋ ተሳታፊ ናችሁ ተብለው ሌላ ክስ ተመስርቶባቸው ይገኛል።
ከሳሽ አቃቤ ህግ ከሁለት አመት በፊት ተከሳሾቹን በሽብርተኛ ወንጀል መክሰሱ የሚታወስ ሲሆን፣ ተከሳሾቹ አዲስ አበባ ከተማን ጨምሮ በተለያዩ ክልሎች የሽብርተኛ ወንጀል ድርጊትን ለመፈጸም ሲንቀሳቀሱ እንደነበር ሲገለጽ ቆይቷል።
የሙስሊሙ ማህበረሰብ ከአራት አመት በላይ መንግስት በሃይማኖታቸን ጣልቃ ገብቷል ብለው ሲያካሄዱ የነበረውን የተቃውሞ ሰላማዊ ሰልፍ ተከትሎ 18 የመፍትሄ አፈላላጊ ኮሚቴ አባላት ለእስር መዳረጋቸው ይታወሳል።
የኮሚቴ አባላቱ የእስር ቅጣት ከተላለፈባቸው በኋላ መንግስት ለዘጠኙ ምህረት በማድረግ ከእስር መለቀቁ ይታወሳል።
ይሁንና አሁንም ድረስ በእስር ላይ የሚገኙ የኮሚቴ አባላቱን ጨምሮ ሌሎች ግለሰቦች በእስር ላይ መሆናቸውን የተለያዩ አካላት ይገልጻሉ።

Advertisements

Author: mr☻n Taye Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s