የተመድ ኮሚሽነር አቶ በቀለ ገርባን እስር ቤት ሔደው ማነጋገራቸው ተጠቆመ

በኢትዮጵያ ጉብኝነት ሲያደርጉ የነበሩት የተባበሩት መንግስታት ድርጅት የሰብዓዊ መብቶች ከፍተኛ ኮሚሽነር ዘይድ ራኢድ አል ሁሴይን፣ እስር ቤት በመሔድ አቶ በቀለ ገርባን እንዳነጋገሯቸው ምንጮች ጠቆሙ፡፡ እንደ ምንጮች ገለጻ ከሆነ፣ ኮሚሽነሩ በሽብር ወንጀል ተከስሰው ቂሊንጦ ወህኒ ቤት ከሚገኙት አቶ በቀለ ገርባ በተጨማሪም በእስር ላይ የሚገኙ ሌሎች የተቃዋሚ ፓርቲ አመራሮችን አነጋግረዋል፡፡ ኮሚሽነሩ ያነጋገሯቸው የተቃዋሚ ፖለቲካ እስረኞች እነማን እንደሆኑ የታወቀ ነገር ነገር ባይኖርም፣ አቶ በቀለ ገርባን ማነጋገራቸው ግን ተረጋግጧል፡፡
bekele-gerba-ofc
የኦሮሞ ፌደራሊስት ኮንግረስ ፓርቲ ምክትል ሊቀ መንበር የሆኑት አቶ በቀለ ገርባ፣ በእስር ቤት በተቃዋሚ ፖለቲከኞች ላይ የሚፈጸመውን ግፍ እና በደል፣ እንዲሁም ኢ-ሰብዓዊ አያያዝ በተመለከተ ለኮሚሽነሩ ገለጻ እንዳደረጉላቸው ለማወቅ ተችሏል፡፡ ኮሚሽነሩ በበኩላቸው ጉዳዩን ከመንግስት ባለስልጣናት በተለይም ከጠቅላይ ሚኒስትር ኃይለማርም ደሳለኝ ጋር እንደሚወያዩበት እንደገለጹላቸው ምንጮች ለቢቢኤን ገልጸዋል፡፡ አቶ በቀለ ገርባ እና በቂሊንጦ የሚገኙ ሌሎች የፖለቲካ እስረኞች፣ ወህኒ ቤቱ ሆን ብሎ የሚፈጽምባቸውን ኢ-ሰብዓዊ ድርጊት ጉዳያቸውን ለያዘው ፍርድ ቤት ሲገልጹ መቆየታቸው ይታወቃል፡፡
በሌላ በኩል፤ በአዲስ አበባ ጉብኝት ሲያደርጉ የነበሩት የተባበሩት መንግስታት ድርጅት የሰብዓዊ መብቶች ከፍተኛ ኮሚሽነር ዘይድ ራኢድ አል ሁሴይን፣ የኢትዮጵያ መንግስት ከአዲስ አበባ ውጪ የትም እንዳይሔዱ ከልክሏቸው እንደነበር ታውቋል፡፡ በተለይ ባለፈው ዓመት ከፍተና ህዝባዊ ተቃውሞ ሲደረግባቸው ወደነበሩት ወደ አማራ እና ኦሮሚያ ክልሎች እንዳይሔዱ በመንግስት ክልከላ ተጥሎባቸው እንደነበርም ተነግሯል፡፡ ኮሚሽነሩ በመንግስት አማካይነት ወደ ክልሎቹ እንዳይሔዱ የተደረጉት፣ በሁለቱ ክልሎች የተፈጸሙትን አሰቃቂ ግድያዎች እና እስራት እንዳያውቁ ተብሎ መሆኑም ተገልጽዋል፡

Advertisements

Author: mr☻n Ta Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s