እኛ እንደምናሸንፍ ቅንጣት ታክል ጥርጥር የለኝም !! ©ፕ/ር ብርሀኑ ነጋ

 

ትግላችን ድንቁርናን አስወግደን በእውቀት ለመተካት ነው ድንቁርና የዘረኝነት ምንጭ ነው፡፡ ድንቁርናም ቀንደኛ የእድገት ፀር ነው ዘረኝነት ደግሞ ከእድገት ፀርነቱ ባለፈ የሰላም ጠንቅ መሆኑ ጥያቄ የለውም በተለይ አለማችን ከደረሰችበት የስልጣኔ ደረጃ አንፃር ሲታይ ዘረኝነት ከከፋ ድንቁርና የመጣ በሽታ መሆኑን አጉልቶ ያሳያል የኛዎቹም ዘረኞች የዚህ በሽታ ተጠቂ ለመሆናቸው የቅርብ ጊዜው የሁለተኛው አለም ጦርነት ያስከተለውን ከፍተኛ የህይወትና የንብረት ውድመትን እንኳ መመልከት ያለመቻላቸው ያረጋግጥልናል፡፡

ዘረኝነትን ቁልፍ መሰባሰቢያውና በእብሪት መወጠሪያው አድርጎ የተነሳው የሂትለሩ ናዚ የጀርመን ምርጥ የሰው ዘርነት ፍልስፍና ከራሱ አልፎ የአለም ጦርነትን ከመለኮሱና በሚሊዮን የሚቆጠር የሰው ህይወት የበላና መጨረሻው ተንኮታኩቶ አስከፊ ውድቀት ከመውደቅ ማለፍ አልቻለም የሰው ልጅ በተወለደበት አካባቢና በተገኘበት ዘር መስፈርን ዋነኛ ስራው ያደረገው የሂትለሩ ናዚ በሰፈረው ቁና ለመሰፈር ብዙ አልራቀም ከናዚ መንኮታኮት ባለፈ ኩራት ብለው የተነሱለት ጀርመንነት በራሱ እስከ ቅርብ ጊዜ ድረስ የቆየበት ፈተና ቀላል አልነበረም፡፡
እንዲህ አይነት ምሳሌዎችን ካለፉ የሰው ልጆች ታሪክ ውስጥ ብዙ ብዙ ማንሳት ይቻላል ዋናው ዘረኝነት ውሎ አድሮ ውጤቱ ውድቀት፤ ውድመትና ኪሳራ መሆኑና የሰው ልጅን በተወለደበት አካባቢ፤ በቆዳው ቀለም፤ በፆታ፤ በተገኘበት ዘር ወዘተ የመደልደል የዘረኝነት ቦታ ከድንቁርና የሚመጣ ክፉ ደዌ መሆኑ ፤ ይልቁንም ለዘረኝነት ልቡን ክፍት ያደረገ ምንም ያህል በዘመናዊው እውቀት የመጠቀ ቢሆን ውጤቱ ውድቀተ በመሆኑ ከደናቁርቱ ተርታ ከመመደብ አልፎ አያውቅም ወደፊትም አይሆንም ።

የእኛዎቹም ደናቁርት እንዲሁ ወያኔ ህወሀት የፍትህ ፤ የእኩልነትና የዲሞክራሲ ጥያቄ ሳይሆን በዘረኝነት ላይ ተመስርቶ የተወለደ፤ በለስ ቀንቶት ለስልጣን ከበቃበት ጊዜም በኋላ ፍትህ፤ እኩልነትና ዲሞክራሲ የእሱ ጥያቄ ያለመሆኑን፤ ይልቁንም ዘረኝነት የሀገሪቱ መሪ የፖለቲካ ፍልስፍና በማድረግ ወደዚህ አቅጣጫ እየተገፋን መቆየታችን ማንነቱን የሚያረጋግጥ ነው፡፡ የትግራይ ቁጥቋጦ የአማራ መቀበርያ ይሆናል ከሚለው የበረሀ መዝሙር ጀምሮ ስልጣን ከተያዘ በኋላ ዜጎችን በዘር የመከፋፈል ስራ ከምንም በላይ ሲሰራ መቆየቱ ለዘረኝነቱ በራሱ ፍልስፍናና ተግባራዊ እንቅስቃሴው በገሀድ የታየ እውነት ነው እንዲያውም ኮ/ል መንግስቱ የትግራይ ተወላጅ ቢሆን ኖሮ ህወሀት አይፈጠርም ነበር የሚለው የህዝብ አስተያየት ምን ያህል በዘረኝነትና በመንደርተኝነት የተለከፈ የደናቁርት ስብስብ መሆኑን ያሳያል የናዚ በጀርመናዊነት ላይ የተመሰረተው የዘረኝነት ፍልስፍና አንድ ሰሞን ድምፁ ጎላ ብሎ ቢሰማም መጨረሻው ታላቅ እናደርገዋለን ባሉት ጀርመናዊነት ላይ ያስከተሉትን ውድመት ስናይ ህወሀት የተነሳለት ትግራዋይነት ሊያስከትል የሚችለውን መዘዝ መገመት አያዳግትም።

በዘረኝነት የደነቆሩት ናዚዎች የደረሰባቸው ውድቀት ህወሀቶች ላይ አይደርስም ማለት ሞኝነት መሆኑ እሙን ነው ነገር ግን ይህን ተራራ የሚያክል እውነት ናዚዎች እስከ መጨረሻው ሰአት ድረስ አላመኑም፤ አልተቀበሉም፤ ህወሀቶችም ያምናሉ ወይም ይቀበላሉ ብሎ መጠበቅ ላም ባልዋለበት ኩበት ለቀማ እንደተባለው ነው የዚህ ዋነኘው ምክንያቱ ደግሞ የተጠናወታቸው ድንቁርናና ለእውቀት ያላቸው ግምት አናሳነት ነው ።

በተወሰነ ይህን ካልኩ ወደ ዋናው ርእሴ አብረን እንመለስ እኛ በአርበኞች ግንቦት ሰባት የተሰባሰብን የአንድ እናት ልጆች የተያያዝነው ትግል ለፍትህ ፤ ለእኩልነትና ለዲሞክራሲ፤ ባጠቃላይ ለነፃነት መሆኑ በራሱ ድንቁርናን አስወግደን በእውቀት ለመተካት መሆኑን ያረጋግጣል ሰው በሰውነቱ የሰውነት ነፃነቱን ለማስከበር መታገል መቻሉ እውቀትን መሰረት ለማድረጉ ጥያቄ የለውም ምክንያቱም ዛሬ አለማችን ለሰው ልጅ የሰጠችው ክብርና ነፃነት ከደረሰችበት የእውቀትና የስልጣኔ ደረጃ አንፃር መሆኑ ሲያረጋግጥልን በተጨማሪ ድንቁርና መቼም እውቀትን ያሸነፈበት የታሪክ አጋጣሚ ያለመኖሩን ያሳየናል፡፡
ባጠቃላይ ደንቆሮ ፍትህ እኩልነትና ነፃነት ምን ማለት እንደሆነ አያውቅም ዘረኛም ዘረኛ ነውና ሊገባው የሚችል ነገር አይደለም ይህ ማለት ደግሞ ዘረኝነት ድንቁርና መሆኑን፤ ድንቁርናም የዘረኝነት ምንጭ መሆኑን ያሳያል፡፡ስለዚህ እኛ አርበኞች ግንቦት ሰባቶች ትግላችን ከድንቁርና ጋር ነው ማለት ነው ድንቁርናም ሆነ ዘረኝነት ለጊዜው ካልሆነ በስተቀር በዘላቂነት ያሸነፉበት አጋጣሚ ባለመኖሩ እንደምናሸንፍ አንዳች ጥርጣሬ ሊኖረን አይገባም ትግላችን ድንቁርና የፈጠረውን ዘረኝነት አስወግደን ሀገራችንንና ህዝባችንን የእውቀት ፍሬ የሆነውን የሰለጠነው አለም ካስገኘው የሰው ልጆች ነፃነት ተቋዳሽ የማድረግ ትግል መሆኑን በመገንዘብ በሙሉ ልብና በራስ በመተማመን ከስሜታዊነት በፀዳ መልኩ ትግላችንን በየአቅጣጫው ማቀጣጠል ይጠበቅብናል ትግላችን ድንቁርናን አስወግዶ እውቀትን ማንገስ መሆኑ በራሱ አሸናፊነታችንን ያረጋገጠ በመሆኑ ጠንክረን በመስራት የድንቁርና ምሳሌ የሆነውን ወያኔ ህወሀት እድሜ ለበማሳጠር እንነሳ ስል የመሪያችንን ንግግር በማስታወስ ነው ድንቁርና እውቀትን ያሸነፈበት የታሪክ አጋጣሚ የለም ።

ስለዚህ እኛም እንደምናሸንፍ ቅንጣት ታህል ጥርጣሬ የለኝም !!

ይቺን

ስለሰውየው የሚነገረውን ኢንተርቢ ከስር አስቀምጫለሁ አዳምጡት

Advertisements

Author: mr☻n Ta Αβραάμ

Long live Ethiopia “When dictatorship is a fact, revolution becomes a right." victor Hugo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s