a tale of European and Ethiopian trees

ክፍል ፩ ሰላምታ እና ገና
የኢትዮጵያ ዛፍ:-    አንተ የፈረንጅ ዛፍ ጧትም ሆነ ማታ
                       ሰላምታህ ግሩም ነው ተሞልተህ ፈገግታ
                      ከአንገት በላይ ባይሆን የይምሰል የታይታ።
የፈረንጅ ዛፍ:-    ልምዴ ነው ፈገግታ ሳይህ ለሰላምታ
                    አንተ ያበሻው ዛፍ ግን ፊትህ ሳይፈታ
                    ይመስግን ትላለህ ላስኮረፈህ ጌታ።
የኢትዮጵያ  ዛፍ:-     አኩርፌስ አይደለም ይመስገን ማለቴ
                        የሚያውቀው እሱ ነው ለመኖር መሞቴ
                       ሰላምታ ምግቡ ነው አምላኬን መጥራቴ
የፈረንጅ  ዛፍ:-     ለራስህ ሳትበላ ፈጣሪን ምግብ አብይ
                      አንተን ስጠይቅህ እሡ  ይመስገን ባይ
                      እስቲ ልጠይቅህ አንተ ደህና ነህ ወይ?
የኢትዮጵያ  ዛፍ:-    ፈጣሪ ይመስገን አለሁኝ በደህና
                        አገሩም ቀዬውም ይታትራል ገና
                       አንተስ ዘመዶችህ አማን ናችሁ ጤና?
የፈረንጅ  ዛፍ:-      ስለኔ ዘመዶች በምን አውቃልሁኝ
                        የፈረንጅ ዛፍ ውስጥ ብቻ እኔ ደህና ነኝ
                       በጸሃይ እያበብኩ በረዶ እያጠፋኝ::
የኢትዮጵያ  ዛፍ:-   ገና በህዳር ወር በረዶም ሳይመጣ
                      ቅጠሎችህ ረግፈው ሆነሃል ገላጣ
                      3 ወር አፍሮ ሆነህ 9 ወር መላጣ::
የፈረንጅ  ዛፍ:-   እውነት ተናግረሃል የሆነስ ሆነና
                    ከቁጥቋጦ በላይ መች አድገህ ታውቅና
                   ይጨፈጭፉሃል ምድሩም ሆኗል መና::
የኢትዮጵያ  ዛፍ:-  ትልልቅ ጓዶቼ ዝግባና ጅብራ
                     ካንተ ይበልጣሉ እኔም ብንጠራራ
                     ወገኖች ባይቆርጡኝ ለተለያየ ስራ፥
የፈረንጅ   ዛፍ:-  የጽድ ዛፍ ተመልከት ሊያውም በበረዶ
                    ቀጥ ብሎ ይቆማል በ ‘ክሪስማስ’ አብዶ
                    ያንተ ግን ዕጣው ነው ለቤት ለማገዶ::
የኢትዮጵያ ዛፍ:-    ወራጅ ወራጅ ወራጅ የሃበሻ ጽድማ
                       ቶሎ አይበቅልም እንጂ ጠንካራ ነው ካስማ
                       የናንተው ባህል ነው የገና ዛፍማ።
የፈረንጅ  ዛፍ:-     የተተከለውን ሳትቆርጡ አሸብርቁ
                      በአርቲፊሻል ዛፍ ቤቱን ብታደምቁ
                      ይሻል አይመስልህም ለነገ ብታውቁ?
የኢትዮጵያ  ዛፍ:-  አርቲፊሻል ዛፍ ያንተን ከምገዛ
                      ባዕድ አምልኮህን በልልን ወደእዛ
                      ጽድ ሰር መች ተወልዶ የዓለሙ ቤዛ?
የፈረንጅ ዛፍ:-     በከብት በረት ውስጥ ስለተወለደ
                     በረት እናሸበርቅ? እንዴት ተቀለደ
                     የቅናሽ ዛፍ አለ ያ ከተወደደ…
የኢትዮጵያ  ዛፍ:-     ባህል ወረራህን አልሻም ሰላልኩህ
                         በቅናሽ አለ እያልክ መነገድ አማረህ?
                         ቅኝ ግዛት አገሬ አታውቅም ልንገርህ
የፈረንጅ   ዛፍ:-    ከአውስትራሊያ ባሀር  ዛፍ የመጣው
                        የምድርህን ውሃ በገፍ የሚመጠው
                        ወርሮ አይደለም እንዴ መሬትህን የሞላው??
                                                                (ይቀጥላል)
የኢትዮጵያ  ዛፍ:-  የሌላ ዕፅዋትን ውሃ እንድሚሻማ
                     ዛፉን ስናስገባ አልሰጡን ጥቆማ
                    ወይ ቴክኖሎጂውን የዕጽዋት ቅመማ
የፈረንጅ  ዛፍ:-   ከዕፅዋት መድሃኒት ስላለ እናንተ ጋር
                     ጋብዘኝና ልምጣ ላካሂድ ምርምር
                     የዕፅዋት ለዕፅዋት ግኑኝነት ይስመር
የኢትዮጵያ    ዛፍ:-  እናንተ ብትመጡ ነው አረም ል ት ዘሩ
                         ወይ ወንዴ ሴቴ ዘር ይዛች ሁ ልትበሩ
                         እንዴት ልታስብ ቻልክ ለኛ ልት ሰ ሩ
የፈረንጅ  ዛፍ:-       አክሱም ላሊበላ ሶፍዑመር ጅማ ሐመር
                       ሌሎች መች ተጠኑ ሕዝቡም ደሞ የሚያምር
                        በአዕዋፍ በዕፅዋትም የለም እንደ አንት ሃገር
የኢትዮጵያ  ዛፍ:-       ሃግሬ ውስጥ ባሉ የፈረንጅ ሊቀዕፅዋት
                           ሰርስረው መጥጠውት የሉም ማዕድናት
                           ባካች ሁ አትምጡ ላት ሰሩ መድሃኒት
የፈረንጅ  ዛፍ:-   መድሃኒትም ሌላም በእጅ አዙር የሸጥነው
                      በእናንተ ጥሬ ዕቃ እዚህ አምርተን ነው
                       ሆኖም ብዙ አላ ች ሁ ይታይ ያላየነው
የኢትዮጵያ   ዛፍ:-        ምድር ፈረንጅ ዛፍ ወደዚህ ስትመጡ
                            አውሮፓ አሜሪካ ዛፍ አጥተው ቢቀልጡ
                            ለሕዝባች ሁ ምን በጀው ምንድን ነው ቅልውጡ
                     የፈረንጅ  ዛፍ:-      በኢትዮጵያ   ሰው ሆነው መኖር ያልፈለጉ
                                              በ አውሮፓ ዛፍ ሆነው ለማደግ የጓጉ
                                             ሞኝ ለጆቻ ች ሁን ቀይሩን በወጉ
የኢትዮጵያ    ዛፍ:-       ምን በወጣቸው ነው የሃገሬ ሰዎች
                             ዛፍ ሆነው የሚያድጉ በበረዶ ሃገሮች
                            ስንፈታው ታያለህ ላሉብን ችግሮች
የፈረንጅ  ዛፍ:-       ከቻላጩ መልካም ያ የሰማሁት ነው
                         የ ፈረንጅ ዛፍ ና ሰዋች ሁ አንድ ነው
                        እነሱም ሊመጡ እኔም ልምጣ እላለው
የኢትዮጵያ  ዛፍ:-        አንት ልምጣ ያልከው በረዶ አስጠልቶህ
                            መድሃኒት ዛፍ ልቶን ማዕድኔን መጥጠህ
                             እነሱም ጫካህ ውስጥ የት ያሉ መሰለህ
የፈረንጅ  ዛፍ:-       በ አውሮፓ ዛፍ መሆን ድሮ እንደናፈቁ
                       ብዙ ስደተኞች ካምፓቸው ጫካ ውስጥ እንዲሆን አበቁ
                      ምንም በሌለበት ስንቶችስ አለቁ
የኢትዮጵያ  ዛፍ:-  ጫካህ ውስጥ ላሉት መልዕክቴን አስተላልፍ
                       ይብቃ አርበኝነቱ ኑሮን በማሽነፍ
                       ወደ ሃገር ቤት ይግቡ ይዘጋጁ ለሰልፍ
   የፈረንጅ  ዛፍ:-      ጫካህ ውስጥ ላሉት የኔንም ተናገር
                         ኢትዮጵያን ለመርዳት የሄድክ ከነጭ ሃገር
                        መድሃኒት ሳት ሰሩ አትምጡ ወደ ሃገር
የኢትዮጵያ  ዛፍ:-    የምትለኝ ገባኝ ይሄ ያ ሃበሻ ዘር
                       አውሮፓም ጫካ ውስጥ በዝቷል አይደል መስፈር
                        ምን ያርጉ ጫካቸን ሲሰጥ ለኢንቨስተር
የፈረንጅ  ዛፍ:-      ኢንቨስተሩ ማን ነው ጫካ አስመንጣሪ
                      ውዴት ግን ደረሰ የውስጡ ነዋሪ
                      ጋምቤላ ዋልድባ ሲታረስ በአክራሪ?
የኢትዮጵያ  ዛፍ:-   የኢትዮጵያ ነጻ አውጪ በውስጡ ነበረ
                      ብሎ አሳራሹ መንግስት ከሰረ
                     የስንቱስ ገዳም ዛፍ በእሳት አረረ?
 የፈረንጅ  ዛፍ:-    በጉራፈርዳና በጉሙዙ ፍልሰት
                      ደን መንጥረው ነው ይላል አይደል መንግስት
                     ለመቶ ሺ ፍልሰት የማይመስል ምክንያት
የኢትዮጵያ  ዛፍ:-  ከመነሻቸው ነው አማራን ለማጥፋት
                     ሌሎችም ወገኖች ጎጂ ከመሰሉት
                    ብሔር ባይሆንለት ያጣላል በእምነት
የፈረንጅ  ዛፍ:-   በጀጎል ተከቦ እንዳለው ቤተክርስቲያኑ የመድሃኔዓለም
                    በፍቅር ይኖራሉ በኢትዮጵያ ክርስቲያን ከሙስሊም
                     በአንድ ተቃውመዋል መጅሊስንም አህባሽንም
የኢትዮጵያ  ዛፍ:-     አይብቀል ሰላሉ ቴምር ዛፍ ላይ ግሽጣ
                         ለኢትዮጵያ ሙስሊም አህባሽ ነው ጣጣ
                         ኮሚቴም አስሩ መፍት ሄ የሚያመጣ
የፈረንጅ  ዛፍ:-   ከዕትብታቸው ቀዬ ሰዎች ሲባረሩ
                     በመረጡት መጅሊስ ብዙዎች ካልተመሩ
                    ወዴት ስ ያመራል ስነ ምህዳሩ?
የኢትዮጵያ  ዛፍ:-    ያው እንደመታውቀው ዋልድባ ሲታረስ
                        ሁላችን ስናለቅስ ሙስሊም መብቱ ሲጣስ
                        አንድ ሳምንት ሞቱ መንግስት እንደጳጳስ
የፈረንጅ  ዛፍ:-       የ አውሮፓ አሜሪካ ደን በእሳት ቢቃጠል
                         በፀሃይ ወቅት ነው ሆኖብት ነበልባል
                        የገዳምህ ዛፍ ግን በሰው እጅ ይነዳል
የኢትዮጵያ  ዛፍ:- የኢትዮጵያ ፈጣሪ ያውቀዋል ደሞም ይበቀላል
                      መሬቱ ተባርኳል እንዲሁ ያበቅላል
                       ችግኙ የሚፈላ አይደለም በሰው ሃይል።
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s